VRddhayavanajaataka, ch. 4

04.001a lagnaM yadaa pazyati devamantrii
04.001b sito.athavaa raatrikaraH prapuurNaH |
04.001c svoccaazritaH kendragataH svavarge
04.001d muzuddhaviiryasya bhavet prasuutiH ||1||
04.002a lagnaazrite ziitakare budhe vaa
04.002b niicaazrite vaa guruNaa tu dRSTe |
04.002c anyena jaataM pravadanti maanavaM
04.002d .............. ||2||
04.003a zanaizcare lagnagate ca niicage
04.003b paapaaMzake paapayute ca dRSTe |
04.003c paapasya lagne guruNaa vimukte
04.003d paapaat prasuutiH pravadanti candre ||3||
04.004a svaniicasaMsthe raviNaa samanvite
04.004b lagne care suuryasutena vakre |
04.004c vyayasthite vaa dhanage ca candre
04.004d pituH parokSasya bhavet prasuutiH ||4||
04.005a dvaaraM vadet kendramupaagataacca
04.005b tatra grahaabhavata eva lagnaat |
04.005c diipo.arkato lagnavazena vartiH
04.005d snehaM zazaaGkaat pravadedyathaavat ||5||
04.006a vilagnabhaavodravamuurtikaaH syu
04.006b rnaathaadvadedvarNavizeSameSaam |
04.006c zayyaa tribhaagaadgRhamuccaniicaat
04.006d teSaaM varaaGgaani tathaa pareSaaM ||6||
04.007a yadaa zaniH paMcamadharmago.athavaa
04.007b bhaumo.atha bandhuvyayagaH kathaMcana |
04.007c tadaaGgabhaGgaM pravadet samagraM
04.007d kRSTaM balonaM pravadanti kiMcit ||7||
04.008a himaaMzumaalii svanavaaMzakasthitaH
04.008b svocce.atha kendre muranaathapuujitaH |
04.008c tuntyaM tadaa dhaatuvivRddhagaatraM
04.008d sukreNa badhnaati samanvitazca ||8||
04.009a bhaume.aSTame suuryasute vilagne
04.009b nabhastalasthe himarazmije ca |
04.009c vane prasuutiM pravadanti yoSitaM
04.009d suuyeNa maarge manujairvivarjite ||9||
04.010a zanaizcare muurtigate himaaMzuje
04.010b vyayasthite niicagate prabhaakare |
04.010c vilomajanma pravadanti bhuumije
04.010d sabhaargave naalaviveSTitasya ||10||
04.011a candre.ambarasthe zazije ca kaame
04.011b bRhaspatau muurtigate stanaantare |
04.011c garbhasya tallaaMchanamuktamaadyai
04.011d rviparyaye pRSThavibhaagatazca ||11||
04.012a jaave vilagne bhRguje vyayasthe
04.012b zazaaGkaje laabhamupaazrite ca |
04.012c vaamaaGgasaMsthastilakaH pravaacyaH
04.012d SaDvargazuddhau tvatha dakSiNasthaH ||12||
04.013a vyaye zazii laabhagataH kharaaMzu
04.013b strikoNagaH suuryasutaH sapaapaH |
04.013c hiinaaGgataaM tatra vadanti bhuumije
04.013d gaatraadhikatvaM pravadanti bhaagataH ||3||
04.014a zanaizcare viiryayute tu taijasaM
04.014b suuryeNa taamrodravameva bhuuSaNam |
04.014c candreNa maaNimyabhavaM hiraNyajaM
04.014d saumyena zukreNa ca riitisambhavam ||14||
04.015a jiivena naanaavidhamiSTakaamadaM
04.015b bhaumena vindyaadbahuvastrasambhavam ||15||
04.016a gRhaM zazaaGkena sudaarusambhavaM
04.016b manoJcarupaM vividhaanvitaM ca |
04.016c susuutramuktaM maNikuTTimaanvitaM
04.016d saDvargazuddhena ca tuGgagena ||16||
04.017a bhaumetu dagdhaM svanavaaMzakasthe
04.017b paraaMzakasthe zizilasvabhaavam |
04.017c kuvastuyuktaM bahupaapadRSTe
04.017d saumyekSite vaa dhanadhaanyayuktam ||17||
04.018a suuryeNa citraM bahugairikaadyaiH
04.018b prabhaasametaM bahubhuumikaM ca |
04.018c ekatra ramyaM tvaparatra ziirNaM
04.018d paapekSite vaa tapanasvabhaavam ||18||
04.019a budhena ramyaM bahuvaMzayuktaM
04.019b paTaavRtaM bhuurivanaaDhyameva |
04.019c zucipragatbhaiH puruSaiH sametaM
04.019d vicitrarupaM prabhayaa sametam ||19||
04.020a jiivena naanaavidharatnayuktaM
04.020b subhuurizaalaM bahumaNDalaaDhyam |
04.020c vitaanacuulaadhvajasarvadikSu
04.020d pramaNDitaM dhaaturasairvizaalaiH ||20||
04.021a svabhaavaramyaM suvidagdhalokaM
04.021b manoramaM sphaaTikakaaMcanaaDhyam |
04.021c tuGgaM vizaalaM suvibhaktamaargaM
04.021d vicitrakaaSThaprabhavaM nitaantaM ||21||
04.022a ziirNaM kucelaiH manujaiH sametaM
04.022b raktaanvitaM striirahitaM sadaiva |
04.022c bhavedgRhaM kaNdakasaMghayuktaM
04.022d raudraM karaalaM vikRtaprataapam ||22||
04.023a zanaizcare kendragate svaniicage
04.023b sutasthite bhuutanaye sabhaaskare |
04.023c gRhaM tRnaiH sarvata eva yuktaM
04.023d jiirNaM nitaantaM tapanasvabhaavam ||23||
04.024a zanaizcaraMze himarazmiputre
04.024b yadaa tanusthaH svagRhe zazaaGkaH |
04.024c tadaa gRhaM nuutanaviirudhaavRtaM
04.024d kvacit sukaaSThaiH parito vipazcitaam ||24||
04.025a jiivo yadaa bandhugataH svabhaagago
04.005b nabhastalastho bhRgunandanastadaa |
04.005c candro.astago muurtigataH zanaizcara
04.025d stadaavRtaM vastravaraiH sumandiram ||25||
04.026a zanaizcare muurtigate kuje.athavaa
04.026b paapaMzakasthe bahupaapaviikSite |
04.026c gRhaazrayaM janma vadecchubhaaMzake
04.026d kuTaarake chidrayute virupake ||26||
04.COL iti zriivRddhiyavane janmaadhyaayazcaturthaH