VRddhayavanajaataka, ch. 3

03.001a aadhaanapRcchodravasaamyayuktaM
03.001b phalaM yatastasya pariikSaNaartham |
03.001c yogaan vicitraan pravadaanmato.ahaM
03.001d cihrairyathaa jantuvinizcayaH syaat ||1||
03.002a lagnaM thadaa pazyati suuryasuunu
03.002b rniicaazritaH saumyadRzaa vihiinam |
03.002c tadaanyajaataM pravadanti sartyaM
03.002d suuryasya viiryeNa divaa prasaGgaat ||2||
03.003a bhaumo yadaa vaizyasamudravena
03.003b sakSiiNacandro nRpasaMbhavena |
03.003c astaM gato jJo dvijavarNayogaat
03.003d sarvairatha mlecchasamudravena ||3||
03.004a eSaM mRtiirdaasajanaadiniicai
03.004b rdvabhyaM vadhuubhirvikRtirnaraizca |
03.004c catuSpade muurtiSu talpametvaa
03.004d aaNpe kSitau praantarake nRmaMjJe ||4||
03.005a kiiTe vilomaM pravadanti bhaavaM
03.005b vaacyaM vilagnaadhipateH svabhaavaat |
03.005c kalatrataH saGgavidhiH pradiSTo
03.005d vikaaravaikRtyasamo grahaazca ||5||
03.006a yadaa ravirnekSati janmalagnaM
03.006b tadaandhakaare surataprayogaH |
03.006c tasminnudaksthe svanavaaMzabhaage
03.006d divaa prasaGgaH zaninaa ca raatrau ||6||
03.007a savairadRSTe pravadedaraNye
03.007b jalasya madhye jalalagnasaMsthe |
03.007c kalatragaH ziitamayukhamaalii
03.007d yadaa ravirmuurtigatastadaa syaat ||7||
03.008a sandhyaa prayogo vyayage.atha bhaume
03.008b rurdhvaM prazastaM ravinandanena |
03.008c siitkaaramizraM surapuujitena
03.008d zazvat kSatakraantamurupracaNDama ||8||
03.009a zukreNa linaM zazinaa vidagdhaM
03.009b syaat somajenaiva nitaantadiirgham |
03.009c aadyasya maasasya bhRgurviidhaataa
03.009d tasmin bhavecchaaNitazukrasaGgaH ||9||
03.010a tadruupaceSTaabalahaanidiiptyaa
03.010b garbhasya vaacyaM svaphalaM jananyaaH |
03.010c dvitiiyamaasaadhipatiH kujazca
03.010d tasmin ghanaM tasya bhavet samantaat ||10||
03.011a jiivastRtiiyasya karaaMghrivaktra
03.011b griivaadikaM tatra bhavet samagram |
03.011c suuryazcaturthasya patiH pradiSTaH
03.011d asthiini tatra prabhavanti puMsaaM ||11||
03.012a majjaa ca medazca sumaaMsaraktaM
03.012b vyaktiM samaayaati vibhaagatazca |
03.012c tasmin sa sauriH kila paMcamasya
03.012d tasmin samantaat kRtimaakRNoti ||12||
03.013a praaproti puSTiM vividhaaM ca garbha
03.013b vyaktiM samaagacchati kaayajaataaM |
03.013c SaSThasya chandro vibhutaamupaiti
03.013d romaaNi tatra prabhavanti gaatre ||13||
03.014a nakhaazca jihraa gudarandhrabhaave
03.014b guptaM svaraM brahyabhave hi tatra |
03.014c syaazcandramsunuH kila saptamasya
03.014d tasmin smRtiH syaat satataM naraaNaaM ||14||
03.015a paMcendriyatvaM ca vivekitaa ca
03.015b ko.ahaM kuto.atraazrayamabhyupetaH |
03.015c lagnaadhinaathastvathavaaSTamrasya
03.015d maasasya tasmin pracuraa bubhukSa ||15||
03.016a yavet manuSyasya tataH sutRptiH
03.016b bhuMtke janitryaa rasabhaavasaGgaat |
03.016c nakSatranaatho navamasya naatha
03.016d stasmin viratkarvividhaa naraaNaaM ||16||
03.017a garbhaazrayaa duH khamanantamekaM
03.017b kRtaM smRtiH puurvazubhaazubhasya |
03.017c divaakarastatparato.adhinaatha
03.017d stasmin pradiSTaH prasavo naraaNaam ||17||
03.018a tasmin yadi syaad vyayagaH zazaaGkaH
03.018b syaadaSTamo bhuutanayaH prasuutiH ||18||
03.019a yo yasya maasasya bhaveddhi naathaH
03.019b saMmogamenaM tu yadaa prayaati |
03.019c arvaagvidhante sa tadaasya janma
03.019d viiryeNa hiino yaMdi vaatmajena ||19||
03.020a pogo yadaadhaanagataH sutaari
03.020b dvitiiyaduzcimyagataiH samastaiH |
03.020c bhavet prasuutirdazame pareNa
03.020d tadaa naraaNaaM na ca yoSitaanaaM ||20||
03.021a suuryeNa taasaaM pravadanti zeSaM
03.021b yogaM nRNaaM vaadhyamanekarupaM |
03.021c kliivodaye kliivayute navaaMze
03.021d kliivasya janma prabhavennaraaNaam ||21||
03.022a evaM pumaaMsaH prabhavanti naaryaH
03.022b striibhaavayogaadbahudhaa vizeSaH ||22||
03.023a navaaMzanaathazca yadaa vilagnaM
03.023b pazyet suhratkendragataH sudiiptaH |
03.023c tadaatmavargeNa karoti janma
03.023d pradhaanabhuutiM manasaa naraaNaam ||23||
03.024a duzcimyajaamitragataaH pracaNDaaH
03.024b saumyaa yadaa kozatrikoNasaMsthaaH |
03.024c puMcanmadaastatra bhavanti dRSTaa
03.024d zcandreNa jiivena zazaaGkajena ||24||
03.025a mandaarayoH saptamaraazisaMsthayo
03.025b ryadaa niSeko maraNaM tadaa pituH |
03.025c raveH zazaaGkaat tvatha tajjanatyaa
03.025d ekaantarodhaH puruSasya vaacyaH ||25||
03.026a yadaa himaaMzurvyayago divaakara
03.026b zchidraM gato bhuutanayazcaturthaH |
03.026c mRtyustadaa saMbhavati hyubhaabhyaam
03.026d zastreNa saureNa tu bandhanena ||26||
03.027a mRtyuMkaraH ziitakarazca riSphe
03.027b sukhasthitaH suuryasutaH sabhaumaH |
03.027c na garbhasaMbhuutiriha pradiSTaa
03.027d yogaiH sasaumyaih pravadanti kRcchraat ||27||
03.028a muurtisthitastiikSNakaraH kujo vaa
03.028b sakSiiNamuurtirvidhuH riSphago va |
03.028c vRthaaphalaH syaat suratopacaaro
03.028d niicaazritaistryaadibhireva puMsaam ||28||
03.029a kliivasya lagne budhasaurayukte
03.029b sutasthite vaa tvatha riSphage va |
03.029c kliivasya janma pravadanti puMsaaM
03.029d zubhekSite tatra yathaa svarupam ||29||
03.030a yadaa kujaH saptamaraazimaazritaH
03.030b zanaizcaro va raviNaa samaahitaH |
03.030c va muurtigo devaguruH sito vaa
03.030d tadaa na garbhaM pravadanti yoSitaaM ||30||
03.031a nabhastalastho yadi vaasuraarcita
03.031b strikoNago devaguruH saziitaguH |
03.031c garbhastadaa saMbhavati prajaanaaM
03.031d navaamzako vaa himarazmijasya ||31||
03.032a tRtiiyajaamitragatau sitaarkau
03.032b zanaizcaro laabhagato yadaa syaat |
03.032c pumaaMstadaa garbhagataH pravaacyo
03.032d jiivo.athavaa svozcagatastrikoNe ||32||
03.033a puMvargage suuryasute mahiije
03.033b divaakare lagnamupaazrite vaa |
03.033c garbhe pumaan ziitakare.athavaambare
03.033d svatuGgage zukradRzaa samanvite ||33||
03.034a kumbhe vilagne mithune.atha kanye
03.034b napuMsake tatsutavargage vaa |
03.034c napumsakaakhyaM pravadanti garbhaM
03.034d tadaa naraaNaaM ca navaaMzake vaa ||34||
03.035a saumyaanvite tatra yathaa svarupaM
03.035b naraM striyaM vaa tanayairvihiinam |
03.035c paapaanvite caardhamuzanti naaryaa
03.035d ardhaM narasyaiva bhaveddhi garbhe ||35||
03.036a striilagnage ratrikare ca zukre
03.036b samasthite suuryasute sajiive |
03.036c striigarbhamuktaM dharaNiisutena
03.036d svavargasaMsthe zazinaa ca dRSTe ||36||
03.037a yadaa himaaMzuH surapuujito.athavaa
03.037b zukreNa dRSTaH samaraazisaMsthitaH |
03.037c tadaabalaa garbhagataa nRNaaM ca
03.037d zanaizcare vaa ravibhaagamaazrite ||37||
03.038a dvidehalagne himarazmiyukte
03.038b budhe svasaMsthe ravije ca laabheM |
03.038c yummaM vadellagnagataM badhena
03.038d dRSTaM striyatvaM pravadedubhaabhyaaM ||38||
03.039a zanaizcare muurtigate zazaaGke
03.039b SaSThe budhe saptamage ca zukre |
03.039c suurye.aSTame saumyavivarjite ca
03.039d trayaH pumaaMsaH pravadanti garbhe ||39||
03.040a evaM kuje saMpravadanti naaryo
03.040b napuMsakaakhyaani divaakare ca ||40||
03.COL iti zriivRddhayavane aadhaanaadhyaayastRtiiyaH ||