VRddhayavanajaataka, ch. 2

02.001a inaH pataGgo mihiro.atha haMso
02.001b mitro.arthamaakhyo dyumaNiH kharaaMzuH |
02.001c zuuraH khagastiikSNamayuukhamaalii
02.001d dinaadhipo vradhna iti pradiSTaH ||1||
02.002a zazii zazaaGkaH zazabhRannizozaH
02.002b saamudrakaH ziitakaro harejyaH |
02.002c nakSatranaathaH kumudaavabodhii
02.002d vidhurhimaaMzuH zazalaaMchanazca ||2||
02.003a vakraH kujo bhuumisutastariitho
02.003b raktaaGgabhuulorhitagaatrakaH syaat |
02.003c kSudhaaturaH saakSidharo mahiijaH
02.003d kiinaazakaantaH kavivallabhazca ||3||
02.004a sarvakSabhojii vibudho budhazca
02.004b caandriH praNetaa priyakRdviraagii |
02.004c syaaddhaurtikaH kaazajajiivitajJo
02.004d vidhaanakaarii praNataH sutaalaH ||4||
02.005a jiivo.aGgaraa devagururmatijJo
02.005b vaktaa ca vaacaspatirapramedyaH |
02.005c piitaambaraH piitavidhiH sureSTaH
02.005d saMsiddhikarmaa puruhuutamantrii ||5||
02.006a zukro.asphujihaityaguruH sudhaamaa
02.006b kaavyo bhRgurbiijanidhiH praNetaa |
02.006c mahozanaa saMsmRtikaH kRtaJcaH
02.006d kalaavitaanaprabalaH sujatyaH ||6||
02.007a koNaH zanirbabhruriti prasiddhaH
02.007b kRSNo yamo manda utaGka kaalii |
02.007c sauriH sutiivrastRNakaH karaalaH
02.007d pratiitakarmaadhyayanapradiSTaH ||7||
02.008a ratko raviH ziitakaraH sitazca
02.008b ratkaH kujaH somasutastu piitaH |
02.008c haridravarNastridazaadhipejyaH
02.008d zukraH sitaH suuryasuto.asitazca ||8||
02.009a sahasrarazmiryavaneSu jaato
02.009b vibhaavariizastu tathaa kaliGge |
02.009c avantidezodrava eva bhaumaH
02.009d kauzaambikeyo himarazmiputraH ||9||
02.010a sindhau prajaatastridazezamantrii
02.010b janaantyabhuurbhojakaTe bhRgozca |
02.010c sauraSTrajastiikSNakarasya putro
02.010d raahurmahaabarbarasaMbhavazca ||10||
02.010a helirbhRgurbhuumisuto.atha raahuH
02.011b sauriH zazaaGko vibudhaH surejyaH |
02.011c praagaadhinaathaaH kramatho vicintyaa
02.011d digdvaarahetvarthamalaM vicintyaaH ||11||
02.012a paapo raviH suuryasutazca vakraH
02.012b kSiiNaH zazo tatsahito vudhazca |
02.012c saumyo guruH sosasutaH zazaaGkaH
02.012d zukrazca sarve prabhavanti tuGge ||12||
02.013a zukraH zazaaGko yuvati pradiSTau
02.013b naMpusakau suuryasuto budhazca |
02.013c jiivaarkabhaumaaH puruSaaH pradiSTaaH
02.013d SaDvargazuddhaaH puruSaaH samagraaH ||13||
02.014a Rgvedanaathastridazaadhipejyo
02.014b yajurvinetaa bhRgunandanazca |
02.014c saamnaaM tathaa bhuutanayaH prasiddho
02.014d hRcirvavedasya zazaaGkaputraH ||14||
02.015a zukraamarejyau dvijalokanaathau
02.015b divaakaraarau placiviipatiinaam |
02.015c vaithyaadhipaH ziitakarazca saumyaH
02.015d zuudraadhinaatho ravijaH pareSaM ||15||
02.016a svatuGgamitrasya gRhe navaaMzo
02.016b sausyekSitaanaaM balamekamuktam |
02.016c striisadmagaabhyaaM zazibhaargavaabhyaaM
02.016d puMkSetragaanaaM ca tathaa pareSaaM ||16||
02.017a kaaSTaabalaM syaatsuvinirmalaabhyaaM
02.017b suuryaarayoryaamyadithaaM tathaiva |
02.017c suuryaatmajasyaiva kalatragasya
02.017d zukrasya candrasya tathontarasyaam ||17||
02.018a ceSTavalaM bhaaskararaatripaabhyaaM
02.018b mRgaadigaabhyaaM kuTile pareSaam |
02.018c garvarkazukraa divase variSTaaH
02.018d sadaa budho.anye prabhavanti raatrau ||18||
02.019a svaavarSamaasodayavaasareSu
02.019b saumyaaH site.anye ca bhavanti kRSNe |
02.019c suuryasya zatruu bhRgusuuryaputrau
02.019d saumyaH samo.anye suhRdaH praadiSTaaH ||19||
02.020a mitraM dinezaH zazalaaMchanasya
02.020b samaaH sajiivaarkisitakSabhaumaaH |
02.020c jiivaarkacandraaH suhRdaH kujasya
02.020d kSo.ariH samau bhaargavasuuryaputrau ||20||
02.021a zukrazrunaathau zathijasya mitre
02.021b candro ripurjiivakujaarkimadhyaaH |
02.021c bRhaspateH zukrabudhau paraakhyau
02.021d samo.arkajo.anye suhRdaH pradiSTaaH ||21||
02.022a saumyaarkajau bhaargavanandanasya
02.022b mitre samo devaguruH kujazca |
02.022c anye pare bhaaskaranandanasya
02.022d mitre sitaJcau ripavastathaanye ||22||
02.023a guruH samo janmavidhau vicintyo
02.023b dazaayabandhuvyayavintazokaiH |
02.023c mitraM svameSaaM pravadanti nityaM
02.023d mitraM sumitraM samameva mitram |
02.023e zatruH samaH syaaT kramaazastu tajJnaiH ||23||
02.024a daze tRtiiye navapaMcame ca
02.024b caturthachidre madane tathaiva |
02.024c pazyanti paadaantarapaadavRddhyaa
02.024d phalaani yacchanti zubhaazubhaani ||24||
02.025a pitaadhiko raktanakhaH surupaH
02.025b kanyaadhipastaamranakhaH suvaktraH |
02.025c bhavetraro bhaaskaraviiryayogaat
02.025d tiiptraprataapi parahaa sadaiva ||25||
02.026a buddhyaadhikaH zaastraparaH kRtaJcaH
02.026b zleSmaadhiko dirghatanuH prasannaH |
02.026c sulocanaH satyarataH sukaanti
02.026d zcandrasya biiryaan manujaH pradiSTaH ||26||
02.027a paapaH kRtaghnaH puruSaH kuziilo
02.027b hrasvaH kunetraH kunakhaH pradiSTaH |
02.027c kuNyapriyo durviSahaH prakaamii
02.027d bhaumasya viryeNa bhavedasantvaH ||27||
02.028a surupadehaH subhagaH suziilaH
02.028b priyaMvadaH zaastraparaH kRtaJcaH |
02.028c gauraH sudhaamaa pRthugaatrayaSTi
02.028d rJcviiryataH saMpravadanti martyaH ||28||
02.029a sucaarugaatraH praNataH prataapii
02.029b sudiirghagaatraH kaphavaan sadaiva |
02.029c vidyaadhikaH satyaparo sanakhii
02.029d surejyaviiryaat satataM nayaJcaH ||29||
02.030a dharmii sudiiptirmanujo.atidiirghaH
02.030b kaphaatmakaH praaptayazaH sadaiva |
02.030c niirogadehaH priyasaahasazca
02.030d zukrasya viryeNa bhavet sudaaraH ||30||
02.031a mukRSTadehaH prakhalo.atihrasvo
02.031b hiMsraH sadaa drohaparaH prajaanaaM |
02.031c vidyaavihiinaH satataM kucailo
02.031d viiryaacchaneH saMpravadanti martyaH ||31||
02.032a satvaadhikaaH suuryazazaaGkajiivaa
02.032b stamodhikaH suuryasutaH kujazca |
02.032c ?ajiiMdhikau bhaargavasomaputrau
02.032d sarve manuSpaprakRtiM nayanti ||32||
02.COL iti zriivRddhayavane grahayonibhedadhyaayaH ||